Жарқўрғонда ака-укаларнинг ўзаро жанжали пичоқбозлик билан якунланди
Ука ўз акасига пичоқ санчиди.
Жарқўрғон тумани ИИБ ҳузуридаги тергов бўлимининг хабарига кўра, Жарқўрғон туманида яшовчи, К.С. яшаш уйи ҳовлисида акаси, K.Б. билан ўзаро жанжаллашиб қолган. Жаҳлини жиловлай олмаган К.С. жаҳлига эрк бериб, ошхона пичоғи билан акасининг ўнг қорин соҳасига бир маротаба санчиб олган. Ҳаёт учун хавфли бўлган оғир тан жароҳатлар билан шифохонага ётқизилган.
Ҳозирда K.С.га нисбатан Жиноят кодексининг 104-моддаси 2-қисми «л» банди билан жиноят иши қўзғатилган.
Аввалроқ Тошкентда 16 ёшли қиз машина ҳайдовчисининг бўйнига пичоқ тортиб юборгани ҳамда Фарғонада 8 ойлик ҳомиладор аёл пичоқ ёрдамида ўлдирилгани ҳақида хабар берилганди.
Муножат Валиева
