Ёши катта эркакнинг қўл телефонида 700 га яқин порнографик фото ва видеолар борлиги аниқланди

 

Навоий халқаро аэропортига 4365-сонли рейс билан “Екатеринбург-Навоий” йўналиши бўйича учиб келган, асли бухоролик Т.Ғ. вилоят ИИБ ТХТБ ҲПБ ходимларида шубҳа уйғотгани сабабли текширув ўтказилган. 

 

Унда айтилишича, гумондор шахс телефонини кўрсатишдан бош тортган. Шундан сўнг “Редми Нот 9” русумли телефон аппарати хотираси текширилганда, унда 657 та порнографик, зўравонлик ҳамда шафқатсизликни тарғиб қилувчи видео ва расмлар борлиги аниқланди.

 

Мамлакатимиз қонун ҳужжатларига асосан бу каби материалларни тайёрлаш, тарқатиш ҳамда намойиш этиш белгиланган тартибда жаримага сабаб бўлади.

 

“Шу ўринда фуқароларимизга айтиб ўтиш лозимки, мамлакатимизга келаётган шахслар орасида қўл юкларини атайин алмаштириб олиш ёки ўзларига тегишли бўлмаган юкларни ўзлаштириш ҳолатлари учрамоқда. Худди шунингдек, юклар орасида зўравонлик ва шафқатсизликни тарғиб қилувчи турли кўринишдаги маълумотлар ҳамда махсус лицензияси бўлмаган диний адабиётларнинг борлиги жиноий жавобгарлик ҳолатларини келтириб чиқаради”, — дейилади ахборот хизамати хабарида.

 

Бундан аввал электр қармоқ ёрдамида балиқ овлаётганлар ҳамда “ТикТок” ижтимоий тармоғида пичоқ кўтариб видеога тушган тасвирни тарқатган мактаб ўқувчиси жаримага тортилгани ҳақида хабар берилганди. 

 

Оламгир Абдиев