13 ёшли бола ЙТҲнинг навбатдаги қунбони бўлди
Наманган вилояти Учқўрғон туманида “Nexia-3” йўлдан ўтаётган пиёдани уриб юборган.
Қайд этилишича, соат 15:00 атрофида Учқўрғон тумани “Қумтўғон” МФЙ Янгиобод кўчасида Учқўрғон туманида яшовчи, 1996 йилда туғилган ҳайдовчи “Nexia-3” русумли автомашинасини бошқариб бораётиб, ҳаракат хавфсизлигини таъминлай олмай, йўлни кесиб ўтаётган пиёда, Учқўрғон туманидаги мактабнинг 7-синф ўқувчисини уриб юборган.
Оқибатда 13 ёшли бола олган тан жароҳати туфайли шифохонада вафот этган.
Ушбу ҳолат бўйича Учқўрғон туман ИИБ ҳузуридаги ТБ томонидан Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Эслатиб ўтамиз, бундан аввал Яккасaрой туманида содир бўлган ЙТҲда ҳайдовчи вафот этгани ҳамда ҳайдовчининг эҳтиётсизлиги, тезликни ошириши натижасида 21 ёшли бола ҳалок бўлгани ҳақида хабар берилганди.
Чўлпоной Аҳмедова
