Шахсий маълумотлардан нотўғри фойдаланган шахс маъмурий жавобгарликка тортилади

 

Президент томонидан "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги қонун имзоланди.

 

Унга асосан Маъмурий жавобгарлик тўғрисидаги кодексга ўзгартириш киритилди.

 

Энди ахборот технологиялари, жумладан, Интернетда фуқароларнинг шахсга доир маълумотларига ишлов берилаётганда нотўғри маълумот берган фуқаролар маъмурий жавобгарликка тортилади. Шунингдек, Ўзбекистонда жойлашган техник воситалар ҳамда маълумотлар базаларида шахсга доир маълумотларни йиғиш, тизимлаштириш ва сақлашга оид талабларга риоя этмаган фуқаролар ҳам энди жарима тўлайди. Бу каби ҳуқуқбузарлик учун оддий фуқаролар БҲМнинг 7 баравари (1 млн. 890 минг сўм), мансабдор шахслар эса 50 баравари (13 млн. 500 минг сўм) миқдорида жаримага тортилади.

 

Бундан ташқари, Жиноят кодексига киритилган ўзгартиришга биноан мазкур жиноятни содир этган шахс маъмурий жазо қўлланилгандан сўнг бир йил давомида яна такрорласа, БҲМнинг 150  бараваригача (40 млн. 500 минг сўмгача) миқдорда жаримага ёки 3 йилгача муайян ҳуқуқдан маҳрум қилиш, 2 йилгача ахлоқ тузатиш ишларига тотрилиш билан жазоланади.

 

Ушбу ўзгартиришлар қонун кучга кирган кундан эътиборан 3 ой ўтгач амалга киритилади.

 

Бундан авал жиноий жавобгарликка тортиш ёши ўзгартирилиши мумкин ҳамда ҳуқуқбузарлик содир этган шахс етказилган зарарни қоплаб, жабрланувчи билан ярашса, жавобгарликдан озод этилиши мумкинлиги ҳақида хабар берилганди.

 

Оламгир Абдиев