Жозеф Байден Хитой ва Россия етакчиларини яна танқид қилди
АҚШ президенти иқлим "глобал муаммо" экани, бу Хитой ва Россияга ҳам бирдек тегишлилини айтди.
АҚШ президенти Жозеф Байден Хитой ва Россия етакчилари Си Цзинпин ва Владимир Путинни Глазгодаги CОP26 иқлим саммитида иштирок этмагани учун танқид қилди, деб хабар берди BBC.
Байден Си Цзинпиннинг саммитда иштирок этмаслигини “катта хато” деб атади.
У Путин ҳақида ҳам шундай деди:
“Россияда чўл ёнмоқда ва лекин уларнинг президенти бу ҳақда индамайди”.
Россия ва Хитой 14 ноябрга қадар давом этадиган музокаралар учун делегациялар юборган.
Эслатиб ўтамиз, Британия бош вазири иқлим ўзгаришини "ҳалокат машинаси" деб атаганди.
Аввалроқ олимлар глобал иқлим исиши туфайли Ерда ҳаёт чидаб бўлмас даражага етишидан огоҳлантиргани ҳақида хабар берилганди.
Насиба Тўхтаева
