Фарғонада яшаш хонадонида марихуана сақлаган шахс аниқланди
Унга нисбатан Жиноят кодексининг 276-моддаси 1-қисми билан жиноят иши қўзғатилган.
Ёзёвон туман ИИБ ходимлари томонидан ўтказилган тезкор тадбирда "Ижодкор" МФЙ ҳудудида яшовчи Ғ.Н.нинг хонадони холислар иштирокида кўздан кечирилди. Текширув давомида хонадонидан марихуана гиёҳвандлик моддаси аниқланди.
Ҳолат юзасидан туман ИИБ ҳузуридаги Тергов бўлими томонидан Жиноят кодексининг 276-моддаси 1-қисми билан жиноят иши қўзғатилди. Ҳозирда тергов ҳаракатлари олиб борилмоқда.
Эслатиб ўтамиз, Жиноят кодексининг 276-моддаси 1-қисмида кўрсатилган жиноятни содир этган шахс уч йилгача озодликдан маҳрум қилиш билан жазоланиши мумкин.
Аввалроқ Деҳқонободда марихуана гиёҳвандлик воситасини 1 500 АҚШ долларига сотган фуқаро қўлга олингани ҳамда Тошкентда "Spark" автомашинасидан гиёҳванд модда чиққани ҳақида хабар берилганди.
Муножат Валиева
