Нью-Йоркдан Тошкентга наркотик моддалар олиб кираётган фуқаро аэропортда "қамоқ"қа жўнатилди
1 ноябрь куни Тошкент шаҳри аэропортларидан бирида ХТБ ТЕҚКБ ходимлари томонидан ўтказилган тезкор тадбирда 1979 йилда туғилган Тошкент шаҳри Юнусобод туманида яшовчи К.Ш. исмли шахс ўзини шубҳали тутганлиги сабабли назоратдан ўтказилган.
Бу ҳақда ИИВ Транспорт ва туризм объектларида хавфсизликни таъминлаш департаменти хабар берди.
Унда айтилишича, Фуқаро “New-York-Тошкент" йўналишидаги авиарейс билан "Ислом Каримов" номидаги Тошкент халқаро аэропортига учиб келган.
Адвокат, мутахассис ҳамда холислар иштирокида фуқаронинг қўл сумкаси ва буюмлари кўздан кечирилганда, тамаки маҳсулотларини чекиш учун мўлжалланган 2 дона шиша "трубка", 4 дона "СБД" номли ЭКБнинг хулосасига кўра жами 1,1079 грамм "Каннабис мойи" гиёҳвандлик моддаси ва 1 дона чекиш учун мўлжалланган электрон трубка, шунингдек, 1 дона тамаки маҳсулотларини майдаловчи мослама, 1 дона кўз дориси ҳамда 1 дона электрон сигарет борлиги аниқланган. Ҳуқуқ тартибор ходимлари томонидан аниқланган нарсалар ҳужжатлаштириб олинган.
Мазкур ҳолат юзасидан К.Ш. га нисбатан Жиноят кодексининг 246-моддаси 2-қисми билан жиноят иши қўзғатилиб, эҳтиёт чораси сифатида "қамоқ" тартиби қўлланилди.
Оламгир Абдиев
