АҚШнинг Афғонистон бўйича вакили Европа ва Осиё бўйлаб сафар қилади
Бу ҳақда Уест Twitter саҳифасида маълум қилган.
"Бугун Афғонистон масаласини иттифоқчи ва ҳамкорлар билан муҳокама қилиш учун Европа ва Осиёга жўнаб кетяпман. Халқаро ҳамжамият самарали сиёсат юритиш учун биргаликда ҳаракат қилиши лозим", — деган Уест. У ташрифи тўғрисида бошқа маълумотларни очиқламаган.
АҚШ давлат котиби Энтони Блинкен Уест биринчи бўлиб Брюсселга боришини маълум қилган. У ерда иттифоқчилар билан маслаҳатлашув ўтказилиши қайд этилган. Шу билан бирга унинг Москвага ҳам ташриф буюриши кутилмоқда.
Бундан аввал Залмай Халилзод АҚШнинг Афғонистон бўйича махсус вакили лавозимидан истеъфога чиққани ҳамда Германия толиблар билан дипломатик мулоқотни кенгайтирмоқчи экани ҳақида хабар қилинганди.
Жаҳонгир Қўзиев
