Германия "Толибон" билан алоқаларни кенгайтирмоқчи
Шунингдек, Берлин толиблар жорий этган паспортни тан олилши мумкинлиги маълум қилинди.
Германия ҳукумати “Толбион” билан мулоқотни фаоллаштириш ниятида. Бу ҳақда Welt am Sonntag нашри хабар берди.
Нашр маълумотларига кўра, яқин ҳафталар ичида Германия элчиси Маркус Потцель Афғонистонга боради. У толиблар билан мамлакатда немис дипломатлари фаолиятини йўлга қўйиш юзасидан музокара ўтказмоқчи.
Мулоқот йўлга қўйилишидан асосий мақсад – афғон халқига гуманитар ёрдам беришдир. Шу билан бирга, расмий Берлин “Толибон” томонидан аҳолига берилаётган паспортларни тан олиш масаласини ҳам кўриб чиқяпти. Ҳукуматнинг фикрича, бу немис қуролли кучларига ёрдам берган афғонларнинг мамлакатдан чиқиб кетишини осонлаштириши мумкин.
Бундан аввал "Толибон" сафларида кенг кўламли "тозалаш" ишлари бошлангани ҳамда Афғонистон Хитой билан савдосини тиклагани ҳақида хабар берилганди.
Жаҳонгир Қўзиев
