Моуриньо “Рома”ни ислоҳ қилишда давом этади
Римликлар бош мураббийи Жозе Моуриньо қишки трансферлар ойнасида жамоасига уч-тўртта янги футболчини қўшиб олмоқчи.
Мураббий учун керакли футболчилар орасида “Челси” ярим ҳимоячиси Рубен Лофтус-Чик ва “Тоттенхем” футболчиси Гарри Уинкс бор. “Рома”нинг асосий мақсади “Боруссия М” клуби ярим ҳимоячиси Денис Закария ҳисобланади. Унинг клуб билан шартномаси келаси йилнинг ёзида ниҳоясига етади. Бироқ ҳозирда футболчига Англия премьер-лигаси клублари ҳам қизиқиш билдирмоқда.
Малум бўлишича, Жозе Моуриньо футболчиларнинг ўйинидан норози. Мураббий Конференциялар лигаси доирасида “Бодо-Глимт”га қарши ўйиндаги мағлубиятдан сўнг захирадаги футболчиларнинг савияси пастлигидан шикоят қилган.
Аввалроқ Гореска “Бавария” билан шартномасини узайтирмоқчилиги ва инглиз жамоаси Килиан Мбаппени текинга сотиб олмоқчилиги ҳақида хабар берилганди.
Жамшидбек Амиров
