Электрон тижоратни такомиллаштириш ва ривожлантириш бўйича қарор қабул қилинди
Унга кўра, “Очиқ рақамли экотизим” ахборот тизимлари мажмуасини 2022 йил 1 июлдан бошлаб тўлиқ ишга тушириш тўғрисидаги таклифи маъқулланди.
Қайд этилишича, электрон тижорат маъмурчилигини янада ривожлантириш учун қулай шароитлар яратиш тўғрисида Ўзбекистон Республикаси Президентининг қарори қабул қилинди.
Унга кўра, Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги ҳамда Ахборот технологиялари ва коммуникацияларини ривожлантириш вазирлиги ҳамкорликда мазкур қаорорнинг амалий ижросини таъминлашда ташаббус кўрсатишни режалаштирди. https://lex.uz/docs/-2830833
Шу билан бирга, Инвестициялар ва ташқи савдо вазирлиги ҳузуридаги Электрон кооперация портали маркази Инвестициялар ва ташқи савдо вазирлиги қошидаги Рақамли трансформация маркази этиб қайта ташкил этилади.
Маълумот учун: электрон тижорат тўҳрисидаги қонуннинг 2-моддасида шундай дейилган:
“Электрон тижорат тўғрисидаги қонунига мувофиқ, агар Ўзбекистон Республикасининг халқаро шартномасида Ўзбекистон Республикасининг электрон тижорат тўғрисидаги қонун ҳужжатларида назарда тутилганидан бошқача қоидалар белгиланган бўлса, халқаро шартнома қоидалари қўлланилади”.
Шунингдек, 3-моддасида Ахборот тизимларидан фойдаланган ҳолда амалга ошириладиган, товарларни сотиш, ишларни бажариш ва хизматлар кўрсатишга доир тадбиркорлик фаолияти электрон тижорат эканлиги таъкидланган.
Эслатиб ўтамиз, аввалроқ мобил иловада электрон хизматлар сони 100 тага етказилагани ҳамда ижарада турувчи талабаларни тизимли назорат қилувчи мобиль илова яратилгани ҳақида хабар берилганди.
Чўлпоной Аҳмедова
