Чироқчидаги 32 та маҳалла янги ташкил этилаётган туманга қўшилади
Президент жорий йилда Қашқадарё вилоятига ташрифи чоғида Чироқчи туманини иккига бўлиш таклифини берганди.
Маълумки, 18 ноябрь куни “Чироқчи тумани ҳудудидаги 32 та маҳалла фуқаролар йиғинлари ҳудудларини янги ташкил этилаётган Кўкдала тумани таркибига ўтказиш ҳақида”ги Чироқчи тумани ҳокимининг қарори қабул қилинди.
Ушбу қарорга мувофиқ Чироқчи туманидаги “Айритом”, “Бахт”, “Бегламиш”, “Кўкдала”, “Қанотли”, “Наймансарой” ҳамда “Олтин бошоқ”, “Олтин дала”, “Пахталисой”, “Сойбўйи”, “Талоқтепа”, “Тошли” номли маҳалла фуқаролар йиғинлари янги туман таркибига қўшилади.
Бундан ташқари, “Умакай”, “Ўтамайли”, “Хардури”, “Хўжаобод”, “Хушали”, “Чорвадор”, “Шўрбозор”, “Шўрқудуқ”, “Эски анхор”, “Торжилға”, “Гулистон”, “Аннаруз”, “Зум”, “Ғаллакор”, “Қумдарё”, “Сувлиқ”, “Тўқмор”, “Уймовут”, “Чиял” ва “Чувуллоқ” каби МФЙ лар ҳам Кўкдала тумани таркибига ўтказилади.
Эслатиб ўтамиз, аввалроқ Тошкент вилоятининг айрим чегаралари Тошкент шаҳри ҳудудига ўтказилиши ҳамда Тошкент вилояти ва Тошкент шаҳри чегаралари ўзгартирилиши ҳақида хабар берилганди.
Чўлпоной Аҳмедова
