Қидирувдаги шахслар жиноят устида қўлга олинди

 

Бектемир туманида жойлашган “Sharq” ЙПХ масканида хизмат олиб бораётган ЙПХ ходимлари томонидан пойтахтга кириб келаётган "Lacetti" русумли автомобиль тўхтатилиб текширилди. Унинг бошқарувчиси 18 ёшли И.Э. орган ходимларида шубҳа уйғотган. унинг автомобили холислар иштирокида текширилганда унинг ёнидан зар қоғозга ўралган, жигар рангли, ўткир ҳидли, сақичсимон модда топилган.

 

Мазкур ҳолат юзасидан тегишли ҳужжатлар расмийлаштирилиб, фуқаро И.Э. ва аниқланган модда Бектемир тумани ИИО ФМБга топширилган.

 

Шунга ўхшаш ҳолат 2021 йил 23 ноябрь куни соат 00:30 ларда, Олмазор туманида ҳам аниқланди. Пиёда ҳаракатланиб келаётган, 1981 йилда туғилган У.А. “Минерал сувлар” блок-постида хизмат олиб бораётган ЙПХ ходимлар томонидан тўхтатилган. Текширув давомида фуқаро У.А. Жиноят Кодексининг 168-моддаси 1-қисми билан айбланиб, 2021 йил 6 июнь кунидан буён қидирувдалиги маълум бўлган.

 

Тегишли ҳужжатлар расмийлаштирилиб, фуқаро У.А. Олмазор тумани ИИО ФМБга топширилган.

 

Аввалроқ қидирувда бўлган шахс аэрoпортда қўлга олингани ҳамда “16 февраль воқеалари"ни уюштирган хавфли шахс 23 йилдан сўнг ушлангани ҳақида хабар берилганди. 

 

Муножат Валиева