Ўйламай қилинган ҳар қандай хато ишга жазо муқаррар

 

“Олот” чегара божхона постидан қўшни давлатдан кириб келган юк автомашинаси назоратидан ўтказилди.

 

Кўрик давомида юк кузатув ҳужжатларида кўрсатилмаган қиймати 424 миллион сўмлик товарлар борлиги аниқланди.

 

Мазкур постга кириб келган яна бир юк автомашинаси “Инспекцион кўрик мажмуаси” орқали белгиланган тартибда божхона назоратидан ўтказилганда, унда ҳам ҳужжатларида кўрсатилгандан ортиқча, умумий қиймати 107 миллион сўмлик жами 2691 дона газбалонларда фойдаланиладиган ёндиргич товарлари борлиги аниқланди.

 

Ҳозирда мазкур ҳолатлар юзасидан  божхона органлари томонидан суриштирув ҳаракатлари олиб борилмоқда.

 

Аввалроқ, Қорақалпоғистонда ҳужжатларда кўрсатилмаган автомобиль шинаси божхона постида ушлаб қолингани ҳамда Тошкент халқаро аэропортида ноёб судралиб юрувчи жонзотларни олиб чиқишга уринган шахс тўхтатиб қолингани ҳақида хабар берилганди.

 Муножат Валиева