Давлат харидлари соҳасидаги қонунбузарликлар юзасидан ҳисобот эълон қилинди

 

Коррупцияга қарши курашиш агентлиги томонидан 2020 йил июнь ойидан ҳозирга қадар давлат харидлари соҳасида 24 та манзилли ўрганишлар ўтказилди.

 

Ўрганишлар натижасида жиноят иши қўзғатиш масаласини ҳал этиш учун ҳуқуқни муҳофаза қилиш органлари томонидан жами 60 га яқин сўровномалар киритилган бўлиб, ушбу сўровномалар бўйича 44 та жиноят ишлари ва 24 та маъмурий ишлар қўзғатилиши таъминланди.

 

Қўзғатилган жиноят ишларининг 21 таси, маъмурий ишларнинг 24 таси давлат харидлари соҳасига тааллуқли.

 

Ҳудудлар кесимида Андижон вилоятида 6 та, Тошкент шаҳрида 4 та, Жиззах вилоятида 4 тадан, Қашқадарё вилоятида 3 та, Наманган вилоятида 1 та, Тошкент вилоятида 1 та, Навоий вилоятида 1 та, Самарқанд вилоятида 1 та  жиноятлар содир этилган.

 

Соҳалар кесимида эса қурилишда 11 та, соғлиқни сақлашда 4 та, таълим, спорт ва маданият соҳасида 2 тадан жиноятлар аниқланди.

 

Бугунгача жами 18 нафар шахсга суд ҳукми эълон қилиниб, улардан 7 нафари раҳбар, 3 нафари ҳисобчи, 1 нафари ижрочи ходим ва 7 нафари бошқа шахслар ҳисобланади.

 

Жавоҳирбек Турсунов