Фирибгарнинг найранги иш бермади

 

Зангиота туманида яшовчи Б.Э. тадбиркорлик билан шуғулланиш истагида бўлган фуқаро Ш.дан туман ҳудудида жойлашган савдо мажмуасига тегишли бўлган пиёдалар йўлагини ҳеч қандай ҳужжатларсиз 13 ой муддатга савдо фаолиятини амалга ошириш учун ажратиб беришни ваъда қилади. Шунингдек, текширувчиларни унинг яқинига йўлатмаслик эвазига 2 700 АҚШ доллар сўраган.

 

Б.Э пулларни фирибгарлик йўли билан олаётган вақтида Бош прокуратура ҳузуридаги Департамент, ДХХнинг Зангиота туман бўлими ҳамда ИИБ ходимлари томонидан ашёвий далиллар билан ушланган.

 

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

 

Аввалроқ, қалбаки пул тайёрлаган шахслар ушлангани ҳамда тадбиркорга кўп қаватли уй қурилишини олиб беришни ваъда қилган фирибгарлар ушлангани ҳақида хабар берилганди.

 

Муножат Валиева