Ўзбекистонда 12-14 ёшли қизлар одам папиллома вирусига қарши эмланмоқда
Бунинг учун жойларга 1 миллион 400 минг доза вакцина етказиб берилди.
Айни пайтда мамлакатимизда 12-14 ёшли қизлар ўртасида одам папиллома вирусига қарши эмлаш жараёни ўтказилмоқда. Бу ҳақда ССВ матбуот хизмати маълумот берди.
Қайд этилишича, ҳар йили Ўзбекистонда ўртача 1700 нафарга яқин аёлда мазкур вирус сабабли бачадон бўйни саратони касаллиги аниқланади. Бунга қарши энг самарали чора хасталикка қарши эмланишдир.
“Бундай вакциналар хотин-қизларнинг соғлом ва узоқ умр кўришини таъминлайди”, — дейди Санитария-эпидемиологик осойишталик ва жамоат саломатлиги хизмати бўлим бошлиғи Дилором Турсунова.
Маълумот учун: ОПВ вакцинасининг 270 миллиондан ортиқ дозаси дунёнинг 102 мамлакатида қўлланилган. Ўзбекистон ҳам 2019 йилдан ана шу давлатлар сафига қўшилган.
Айни пайтда республикамиз бўйича вакцинация жараёнлари 3138 та эмлаш пунктида амалга оширилмоқда.
Жавоҳирбек Турсунов
