"Перевал"да ёққан балиқ ёмғири" ҳақида маълумот берилди
Воқеа жорий йилнинг 26 ноябрь куни содир бўлган.
Бугун ижтимоий тармоқларда "Перевалда балиқ ёмғири" сарлавҳали видеохабар тарқалди.
Ушбу ҳолат юзасидан ЙҲХББ расмий муносабат билдирди. Хабарда айтилишича, мазкур воқеа жорий йилнинг 26 ноябрь куни соат 16:30 ларда Наманган вилояти Поп тумани ҳудудидан ўтган А-373 "Тошкент-Ўш" автомобиль йўлининг 227-километрида содир бўлган.
Аниқланишича, ҳайдовчи, 1976 йилда туғилган Ф.А. бошқарувидаги "Zamyad" русумли автомобилнинг шинаси ҳаво чиқариб юбориши натижасида транспортга ортилган "бочка" ағдарилган. Оқибатда, идиш ичидаги балиқлар автомобиль йўлига сочилиб кетган.
Ҳодисада тан жароҳати олган фуқаролар йўқ.
Ҳозирда ҳолат юзасидан Наманган вилояти ИИБ ЙҲХБ ходимлари томонидан қўшимча суриштирув олиб борилмоқда.
