"Таксилик" фаолиятига рухсат олиш ҳам пулми?
Зангиота туманида фуқародан такси фаолиятини юритишига рухсат олиб бериш эвазига пул талаб қилган товламачилар ушланди.
Фуқаролар Ж.М. ва Ф.А.лар олдиндан тил бириктириб, таксичилик фаолияти билан шуғулланиш учун келган фуқаро О.дан “Бўз-сув Чилонзор” йўналишида такси фаолиятини юритишига рухсат олиб бериш ва таксичилик фаолияти билан шуғулланишига қаршилик қилмаслик эвазига 3 300 АҚШ доллари сўраган. Шундан сўнг фуқаро О. ҳуқуқ тарғибот органларига мурожаат қилган.
Фуқаролар Ж.М. ва Ф.А.лар товламачилик йўли О. пул олаётган вақтида ашёвий далиллар билан ушланган.
Мазкур ҳолат юзасидан Жиноят кодексининг 165-моддаси (товламачилик) билан жиноят иши қўзғатилиб, иш терговга оширилган.
Аввалроқ Тошкентда "шантаж" қилиб, севгилисидан пул ундирмоқчи бўлган йигит қўлга олингани ҳамда Ҳоразмда ёзган аризасини қайтариб олиш учун 6 минг АҚШ доллар талаб қилган товламачи ушлангани ҳақида хабар берилганди.
Муножат Валиева
