Бўстонлиқда "Captiva" қарздорлик эвазига хатланди
Ҳозирда мазкур автотранспорт воситасини реализация қилиш чоралар кўрилмоқда.
МИБ Жамоатчилик билан алоқалар ва ҳуқуқий ахборот бўлими бошлиғи Фаррух Тошпўлатовнинг Zamon.uz'га маълум қилишича, Бўстонлиқ туман бўлими иш юритувида фуқаролик ишлари бўйича Тошкент вилояти Чирчиқ туманлараро судининг 10 июндаги ижро варақасига асосан корхонадан ундирувчи давлат фойдасига 920 миллион сўм солиқ қарз белгиланган.
Таъкидланишича, қарз ундириш тўғрисидаги ижро ҳужжати бўлим иш юритувига келиб тушган ва шу кунинг ўзида “Суд ҳужжатлари ва бошқа органлар ҳужжатларини ижро этиш тўғрисида”ги Қонунинг 23-моддасига асосан ижро иши юритишни қўзғатиш тўғрисидаги қарор қабул қилиниб, қарор нусхаси тарафларга юборилган.
Олиб борилган мажбурий ижро ҳаракатлари давомида, Қонуннинг 21,87-моддаларига асосан тегишли ташкилотларга сўровномалар юборилган. Олинган жавоб хатларига кўра, қарздор ташкилотнинг номидаги “Captiva” русумли автотранспорт воситаси рўйхатга олинганлиги аниқланган.
Шунингдек, Қонуннинг 21,48,87-моддаларига асосан қарздор корхонанинг барча ҳисоб рақамларига давлат ижрочисининг қарори билан банд солинган ҳамда инкассо топшириқномаси ижро қилиш учун юборилган.
Бундан ташқари, қарздорнинг ижро ҳужжатида кўрсатилган манзили яъни Тошкент вилояти, Бўстонлиқ тумани, Мустақиллик кўчасида, қарздор ташкилот фаолият кўрсатмаслиги аниқланган ва шу ҳақида тегишли тартибда далолатнома расмийлаштирилган.
Мазкур ижро ҳужжатини ижросини таъминлаш мақсадида қарздорга тегишли бўлган “Captiva” русумли автотранспорт автотранспорт воситаси Тошкент шаҳар Юнусобод туман ҳудудида ҳаракатланаётган вақтида давлат ижрочилари томонидан холислар иштирокида хатланиб, жарима майдонига қўйилган.
Эслатиб ўтамиз, аввалроқ Фарғонада МИБ томонидан қарздорнинг “Malibu”си, Олтиариқда фуқаронинг “Nexia 3” русумли автоулови, қарздорнинг “Trailblazer” автомашинаси ҳамда Бухорода қарздорларнинг машинаси хатлангани ҳақида хабар берилганди.
