Москвадан учиб келаётган парвоз ўз манзилига етиб боролмади

 

Бугун тонгги Урганч ва Андижон аэропортларида ёмон об-ҳаво натижасида кўриш имконияти ёмонлашгани муносабати билан самолётлар учиш ва қўнишни жараёнини амалга оширолмади.

 

Шу билан бирга, туман туфайли “Aeroflot” авиакомпаниясининг Москва шаҳридан “СУ-1976” қатновини бажараётган  самолёт саҳнидаги 131 йўловчиси билан соат 06:40да Урганчга қўна олмади ва Нукусдаги захира аэродромига юборилди. 

 

Бундан ташқари,  “Uzbekistan Airways” авиакомпаниясининг “HY053” қатнови Тошкент аэропортида Урганчга парвозини кутмоқда.

 

Жадвалга асосан, самолёт  соат 08:20 да Урганчга қўниб, сўнгра “HY279” қатнови билан Истанбулга йўл олиши керак эди. Бироқ Урганч аэропортида ҳамон туман сақланиб турибди. У ерда кўриш имконияти 200 метрдан 400 метргача яхшиланди. Учиш учун мақбул кўриш имконияти камида 800 метрни ташкил қилади.

 

Синоптикларнинг фикрича, туман 11:00 дан 11:30 гача тарқалиши керак. 

 

Шунингдек, ноқулай об-ҳаво Тошкентдан Андижонга бажариладиган “HY091” қатновнинг  ҳам кечиктирилишига сабаб бўлди. Самолёт 08:30 да парвоз қилиши керак эди, бироқ қабул қилувчи аэропортдаги туман туфайли у ҳамон Тошкентда об-ҳаво яхшиланишини кутмоқда.

Таҳминий  учиш вақти - маҳаллий вақт билан 12:00 да.

 

Эслатиб ўтамиз, аввалроқ "I FLY Airlines" авиакомпаниясига Ўзбекистонга парвозларни амалга ошириш учун вақтинча тақиқ қўйгани ҳамда Тошкент аэропортида 200 га яқин йўловчи  Истанбулга уча олмагани ҳақида хабар берилганди.

 

Чўлпоной Аҳмедова