11 ой давомида пиёдаларга нисабатан 101 861 та маъмурий баённомалар расмийлаштирилган – Тошкент шаҳар ИИББ
2021 йилнинг январь–ноябрь ойларида пиёдалар иштирокида содир этилган йўл транспорт ҳодисалари бўйича маълумот берилди.
Тошкент шаҳрида жорий йилнинг 1 январидан 30 ноябрига қадар пиёдалар иштирокида 524 та йўл-транспорт ҳодисалари қайд этилган. Бу ҳақида шаҳар ички ишлар бош бошқармаси хабар берди.
Маълум қилинишича, шу йилнинг 11 ойи давомида пойтахтда содир бўлган йъл транспорт ҳодисалари оқибатида 32 киши бадан шикастлари туфайли ҳаётдан кўз юмган. Яна 487 кишига турли оғирликдаги бадан шикастлари етган.
“Бу каби фожиалар ҳар доим ҳам ҳайдовчилар айби билан содир бўлмайди: баъзида пиёданинг ўзи белгиланган қоидаларни бузиб, йўлда кутилмаган омилга айланмоқда. Шу сабабли Тошкент шаҳар ИИББ ЙҲХБ йўл-патрул хизмати ходимлари томонидан профилактик чораларга катта эътибор қаратилмоқда”, – дейилади хабарда.
Жавоҳирбек Турсунов
