Ўзбекистонда янги музей очилди
У ерда камёб қор қоплонларини ҳам томоша қилишингиз мумкин.
Ўтган асрнинг 70-йилларида барпо қилинган Чотқол қўриқхонасининг маъмурият биноси қайта реконструкция қилиниб, музейга айлантирилди. Янги бинонинг очилиш маросими 7 декабрь куни бўлиб ўтди. Эски бино меҳмонлар-марказига айлантирилди, у ерда бир нечта заллар мавжуд.
Заллардан бири қор қоплонига бағишланган. Чотқол давлат қўриқхонаси директори Жасур Дўстовнинг сўзларига кўра, қор қоплони ҳайвонларнинг энг кам учрайдиган ва кам ўрганилган турларидан биридир. Ўзбекистонда бу каби жонивордан бор-йўғи 80-90 та бор бор, холос.
Қоплонлар тоғларда яшаганлиги сабабли тоғ экотизимлари алоҳида эътибор ва ҳимояга муҳтож.
Марказни реконструкция қилишда БМТ Тараққиёт дастури иштирок этди.
Чотқол қўриқхонаси Тошкент вилоятида 24 минг гектардан ортиқ майдонда жойлашган. Бу ерда 745 дан ортиқ турдаги юқори ўсимлик ўсади. Ҳудуднинг 57% дан ортиғи дарахт ва буталар билан қопланган. Қўриқхона ҳудудида 30 дан ортиқ янги ўсимлик турлари топилиб рўйхатга олинган, бу ерда яшовчи ҳайвонларнинг 20 тури Ўзбекистон Қизил китобига киритилган.
Жавоҳирбек Тусрунов
