Тошкент шаҳрида «Orlando» ёниб кетди

 

Бугун ижтимоий тармоқларда “Orlando” русумли автомобилнинг ёниб кетгани акс этган видеолар тарқалди. Ҳолат юзасидан Ички ишлар вазирлиги Йўл ҳаракати хавфсизлиги Бош бошқармаси расмий маълумот берди.

 

Маълум қилинишича, 2021 йил 8 декабр куни соат 18:50 ларда Тошкент шаҳар, Олмазор тумани Нурафшон ва Қорасарой кўчалари кесишган чорраҳада, ҳайдовчи, 1976 йилда туғилган К.Х. бошқарувидаги “Orlando” русумли автомобилнинг двигател қисмида ёнғин юзага келган. Ҳайдовчи зудлик билан тўхтаб, автомобилдан тушган.

 

“Ёнғин ўт ўчирувчилар томонидан бартараф этилган. Ёнғин натижасида тан жароҳати олган фуқаролар йўқ. Мазкур ҳодиса юзасидан Олмазор тумани ФВБ ва ЙҲХБ ходимлари томонидан суриштирув олиб борилмоқда”, – дейилади хабарда.

Аввалроқ Зоминда юк машинаси билан тўқнашган "Nехiа"нинг ёниб кетгани ва Яккасарой туманида “Lacetti”нинг йўлдаги ёритиш чироғига урилиши натижасида ёнғин юзага келгани ҳақида маълумот берилганди.

Жавоҳирбек Турсунов