Юк поездига яширилган гиёҳвандлик моддаси аниқланди
20,56 грамм оғирликдаги "марихуана" ғилдираклар орасидан топилди.
“Чуқурсой техник идораси” темир йўл чегара божхона пости ходимлари томонидан қўшни давлат ҳудудидан кириб келган юк поезд тўхтатилиб ҳар бир вагон таркиби кўздан кечирилди.
Текширув давомида поезд вагонларидан бирининг ғилдираги ён ички қисмида оқ рангли пакетга ўралган номаълум модда яширилганлиги аниқланди.
Экспертиза натижалари мазкур модда 20,56 грамм оғирликдаги "марихуана" гиёҳвандлик воситаси эканлигини маълум қилди.
Ҳозирда мазкур ҳолат юзасидан суриштирув ишлари олиб борилмоқда.
Аввалроқ, Тошкент вилоятида узум остига яширилган катта миқдордаги гиёҳванд моддалар аниқлангани ҳамда Ургутда 1 килограмм “опий” сотаётган аёл ушлангани ҳақида хабар берилганди.
Муножат Валиева
