Деҳқонободда эски молхона девори орасидан милтиқ топилди
Милтиқ фуқаронинг марҳум отасига тегишли эканлиги айтилмоқда.
Сўнги вақтларда вилоятларда ўтказилаётган “Хавфсиз хонадон” тезкор профилактик тадбирлар давомида хонадонлардан турли хил ўқотар қуроллар топилмоқда.
ИИБ ходимлари томонидан фуқаролар хавфсизлигини таъминлаш, ўқотар қуроли билан боғлиқ нохуш ҳолатларни олдини олиш ва жамоат тартибини сақлаш мақсадида хонадонма-хонaдон юриб тарғибот ишлари олиб борилмоқда.
Шу каби тарғибот ишлари натижасида Деҳқонобод тумани Бешқўтон қишлоғида яшовчи фуқаро Р.Т. яшаш уйи эски молхонасининг деворини бузаётган вақтида, марҳум отасидан қолган 1 нилли, 16 калибрли, 1954 йилда ишлаб чиқарилган ўқотар-ов қуролини топиб олганини маълум қилди. Қуролни ўз ихтиёри билан туман ИИБга топширди.
Аввалроқ Жиззахда молхона девори оралиғидан тарихий милтиқ топилгани ҳамда Тошкент шаҳрида жанговар револвер сақлаган шахс аниқлангани ҳақида хабар берилганди.
Муножат Валиева
