Жорий йил савдо корхоналарининг сони сезиларли даражага ортган
2021 йилнинг январь-октябрь ойларида, республикамизда савдо соҳасида янги ташкил этилган корхона ва ташкилотлар сони 2016 йилнинг мос даври билан солиштирилганда 4,9 баробарга ошган.
Бу ҳақда Давлат статистика қўмитаси хабар берди. Унда айтилишича, жорий йилнинг октябрь ойигача рўйхатдан ўтган корхона ва ташкилотларнинг сони 32 085 тага етган.
Статистик маълумотда 2016 йилдан 2021 йилгача бўлган даврлар келтирилган бўлиб, ҳар бир йилда қанча савдо соҳасидаги корхона ва ташкилотлар рўйхатга олингани кўрсатиб ўтилган.
Мазкур йиллар кесимида савдо муассасаларининг сони қуйидагича келтирилади:
2016 йилда – 6 590 та;
2017 йилда – 6 827 та;
2018 йилда – 9 752 та;
2019 йилда – 30 639 та;
2020 йилда – 29 091 та;
2021 йилда – 32 085 та.
Аввалроқ Ўзбекистон Республикасининг доимий аҳолиси сони йил бошидан 301,3 минг кишига ошгани ҳамда бозорлардаги нарх-наво эълон қилингани ҳақида хабар берилганди.
Оламгир Абдиев
