Юқори чирчиқ туманида 4 та автомобиль ва битта автобус иштирокида ЙТҲ содир бўлди

 

Аввалроқ "Роҳат"да бир неча аянчли автоҳалокатлар содир бўлмоқда" сарлавҳаси остида xaбар берилганди. Мазкур ҳолат юзасидан ЙҲХББ расмий муносабат билдирди. 

 

Аниқланишича, бугун 9 декабрь куни соат 07:30 ларда, Тошкент вилояти, Юқоричирчиқ тумани ҳудудидан ўтган "Тошкент-Олмалиқ" автомобиль йўлининг 36-километрида, туманли об-ҳаво шароитида, йўлнинг кўриниш масофаси камлиги сабабли бир йўналишда олдинма-кетин ҳаракатланиб келаётган "Damas", "Nexia", "Spark", "Nexia-3" русумли автомобиллар ҳамда "Isuzu" русумли автобус иштирокида тўқнашув содир бўлган.

 

Тўқнашув натижасида тан жароҳати олган фуқаролар аниқланмади.

 

Мазкур ҳолат юзасидан Юқоричирчиқ тумани ИИБ ЙҲХБ ходимлари томонидан ҳодиса жойида суриштирув олиб борилиб, тегишли ҳужжатлар расмийлаштирилмоқда.

 

Аввалроқ Тошкентда "Gazel" ва "Nexia" тўқнашиб кетгани  ҳамда тез ёрдам автомобили ва «Nexia» иштирокидаги ЙТҲ содир бўлгани ҳақида хабар берилганди.

Муножат Валиева