Янги йил байрамида 5 кун дам олинади

 

"Mehnat huquqi” Телеграм каналининг хабар беришича, “2022-йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги президент фармони лойиҳаси ишлаб чиқилган бўлиб, унда 2022-йил 3-январ — душанба, 4-январ — сешанба қўшимча дам олиш куни этиб белгиланиши кутилмоқда.

 

Фармон қабул қилинса, ўзбекистонликлар Янги йил байрами муносабати билан кетма-кет 5 кун (31-декабрдан 4 январгача) дам олади.

 

Жумладан:

 

2021-йил 31-декабрь (жума) – 2021-йил 10-майдаги ПФ-6222-сонли президент фармонига асосан қўшимча дам олиш куни;

 

 2022-йил 1-январь (шанба) – Меҳнат кодекси 131-моддасига кўра, ишланмайдиган кун (Янги йил байрами);

 

2022-йил 2-январь — якшанба дам олиш куни;

 

 2022-йил 3 январь (душанба) ва 4-январ (сешанба) кунлари – қабул қилиниши кутилаётган фармонга асосан қўшимча дам олиш куни.

 

Маълумот учун:  Ходимнинг асосий меҳнат ҳуқуқлари Ўзбекистон Республикасининг Конституциясининг 16-моддасига мувофиқ, ҳар бир шахс меҳнат қилиш, эркин иш танлаш, ҳаққоний меҳнат шартлари асосида ишлаш ва қонунда белгиланган тартибда ишсизликдан ҳимояланиш ҳуқуқига эгадир. 

 

Шунингдек, муддатлари чегараси белгиланган иш вақтини ўрнатиш, бир қатор касблар ва ишлар учун иш кунини қисқартириш, ҳар ҳафталик дам олиш кунлари, байрам кунлари, шунингдек ҳақ тўланадиган йиллик таътиллар бериш орқали таъминланадиган дам олиш ҳам қонунда белигиланган.

 

Эслатиб ўтамиз, аввалроқ 19-июл куни барча ходимлар ишдан бир соат эрта кетиш кераклиги ҳақида хабар берилганди.

 

 

Чўлпоной Аҳмедова