Божхона бошлиғи ва унинг ходимлари ишдан олингани айтилмоқда

 

Ижтимоий тармоқларда Тошкент аэропорт божхона пости бошлиғи  ва унинг 2 нафар ходими ишдан олинганлиги ҳақида норасмий хабарлар тарқалди.

 

Божхона қўмитаси “Тошкент АЭРО” ихтисослаштирилган божхона комплекси ёш ходимлари блогерга аноним мурожаат йўллаган. 

 

Унга кўра,  жорий йилнинг сентябрь-октябрь ойларида комплекснинг 2014-2021 йиллардаги молиявий хўжалик фаолияти текширилганда, 14 миллиард сўм миқдоридаги, бюджет ва махсус фонд маблағлари ўзлаштирилгани очиқланган.

 

Ўғирлангани айтилаётган пуллар ходимларга  ойлик маоши ва ёрдам пули сифатида тарқатилиши керак бўлган.

 

Бу ҳолат бўйича сентябрь ойида хизмат текширув бошланган бўлса-да бироқ жиноят иши ҳам, хизмат текшируви ҳам ўтказилмаган. Шунингдек,  ўзлаштирилган маблағни жойига қайтариш учун ходимларнинг 3-4 ойлик маоши берилмаслиги маълум бўлган.

 

Мурожаат эълон қилинганидан 10 кун ўтиб, яъни бугун 19 декабрда Давлат божхона қўмитаси раиси А.Мавлонов буйруғи билан Тошкент аэропорт божхона пости бошлиғи Абдуллаев Раҳим эгаллаб турган лавозимидан озод этилган.

 

Эслатиб ўтамиз, аввалроқ  Энергетика вазири ўринбосари ишдан олингани ҳамда Рустам Иноятов президент маслаҳатчиси лавозимидан озод этилгани ҳақида хабар берилганди.

 

Чўлпоной Аҳмедова