Олимпия ўйинларига ўзгартириш киритилди
Париж-2024 Олимпия ўйинларида оғир атлетиканинг вазн тоифалари қисқартирилди.
Спортчилар Токио-2020 Олимпиадасида 14 вазнда (эркак ва аёлларда 7 тадан тоифа) беллашишган бўлса, Париж-2024 да бу тоифалар қисқармоқда.
Янги тоифада эркаклар ва аёллардаги энг оғир вазнлар ўзгартирилди. Унга кўра, бўлажак Олимпия ўйинларидаги вазн тоифалари қуйидаги кўринишга келмоқда:
Эркаклар: -61 кг, -73 кг, -89 кг, -102 кг, +102 кг
Аёллар: -49 кг, -59 кг, -71 кг, -81 кг, +81 кг
Эслатиб ўтамиз, ушбу спорт тури бўйича ҳамюртларимиз Руслан Нуридинов -105 кг, Акбар Жўраев -109 кг вазн тоифаларида Олимпияда чемпионлигини қўлга киритишган эди. Энди Париж-2024 да ушбу вазн тоифаларида беллашувлар ўтказилмайди.
Аввалроқ, оғир атлетика бўйича жаҳон чемпионатининг илк ғолиблари аниқлангани ва Акбар Жўраев жаҳон чемпионлигини қўлга киритгани ҳақида хабар берилганди.
Жамшидбек Амиров
