“ПСЖ” Мессининг миллионлаб футболкаларини сотди
“ПСЖ”: “Месси орқали яхшигина даромад олдик”.
“ПСЖ” Лионел Мессининг трансферидан яхши пул ишлаб олди. Клуб маълумотларига кўра, ҳужумчи жамоа таркибига қўшилганидан сўнг футболкалар савдоси 30-40 фоизга ошган. Ҳозиргача орқасига Мессининг номи ёзилган миллионлаб футболкалар сотилган. Айтиш жоизки, агар коронавирус пандемияси туфайли ишлаб чиқаришдаги кечикишлар бўлмаганида, бу кўрсатгичлар янада юқорироқ бўлиши мумкин эди.
"Месси - ажойиб бойлик. Тижорий нуқтаи назардан, унинг таъсирини ортиқча баҳолаш қийин. Биз ўтган йилгига қараганда кўпроқ футболка сотдик. Талаб камида 30-40 фоизга ошди. Ҳа, талаб катта. Агар биз кўпроқ футболкаларни чиқара олсак, ундан ҳам кўпроқ сотар эдик”, - дея иқтибос келтиради “Goal.Com” нашри “ПСЖ” ҳомийлик шартномаси директори Марк Армстронгдан.
Аввалроқ “Барселона” ҳужумчиси Усмон Дембеле клуб билан шартномасини узайтиришга рози бўлгани ва каталония клуби трансферлар учун маблағ излаётгани ҳақида хабар қилинганди.
