Тошкентдан учаётган самолёт Андижонга қўна олмади
Бунга ноқулай об-ҳаво шароити сабаб бўлган.
"Uzbekistan Airways" АЖ нинг хабар беришича, метеорологик шароит тобора ёмонлашиб бораётгани (туман, кўришнинг етарли даражада эмаслиги) муносабати билан фақатгина бугун, 24-декабрь куни HY091/Тошкент — Андижон авиақатнови Тошкент — Фарғона муқобил йўналиши бўйича амалга оширилишини маълум қилади. HY091/Андижон — Тошкент қатнови эса Фарғона шаҳридан амалга оширилади.
Шунингдек:
HY-091 қатновининг жўнаб кетиш вақти соат 14:00 га ўзгартирилди.
HY-092 қатновининг жўнаб кетиш вақти эса соат 16:00 га ўзгартирилди.
Йўловчиларга қулайлик яратиш мақсадида Андижон ва Фарғона аеропортлари ўртасида трансфер ҳаракат ташкил этилади, — дейилади хабарда.
Эслатиб ўтамиз, аввалроқ “Uzbekistan Airways"да айрим парвозлар бир неча соатга кечиктирилганди. Шунингдек, компания мамлакат ичига қўшимча қатновни йўлга қўйиши ҳамда янги модель асосида Тошкентдан Москвага илк парвозни амалга ошириши ҳақида хабар берилганди.
