“Uzbekistan Airways” мамлакат ичига қўшимча қатновни йўлга қўяди ⠀
“Uzbekistan Airways” АЖ йўловчилар талабини инобатга олган ҳолда 2021 йилнинг 31 октябридан 2022 йилнинг 20 мартига қадар Тошкент-Наманган-Тошкент йўналиши бўйича қўшимча қатновни йўлга қўяди. Мазкур қатнов ҳафтанинг ҳар якшанба кунида амалга оширилади.
Авиачипталар қуйидаги ҳаракат жадвали ва маҳаллий вақтлари бўйича амалга оширилади.
Жумладан:
Тошкентдан жўнаб кетиш: 19:20
Наманганга келиш: 20:20
Наманган жўнаб кетиш: 21:00
Тошкентга келиш: 21:50
Агар Тошкент – Наманган – Тошкент йўналиши бўйича юксиз бир томонлама парвоз қилиш керак бўлса, авиачипта нархи 99343 сўм, борди-ю багаж билан бўлса, нархлар 111 763 сўмдан бошланади. Шунингдек, мазкур йўналишдаги бориш ва ортга қайтиш учун авиачипталар нархи юксиз 173 850 сўмдан, юк билан эса 198 686 сўмдан юқорилаб боради.
Авиачипталарни авиакомпаниянинг расмий сайтидан, “Uzbekistan Airways Sales” филиалидан ёки авиакомпания агентларидан харид қилиш мумкин.
Эслатиб ўтамиз, авиакомпаниянинг расмий сайти орқали авиачипта харид қилиб олаётганда 3 фоизли чегирма тақдим этилади.
Бундан аввал “Uzbekistan Airways” янги модел асосида Тошкентдан Москвага илк парвозни амалга оширгани, Россия-Ўзбекистон учун авиарейслар сони оширилаётгани ҳамда Тошкент — Қарши — Тошкент авиақатнови қайта тикланиши ҳақида хабар берилганди.
Оламгир Абдиев
