Байрам кунларида ходимни ишга жалб қилиш учун шартнома тузилган бўлиши зарур
Маълумот учун, байрам, яъни ишланмайдиган кунлар арафасида кундалик иш (смена) муддати барча ходимлар учун камида 1 соатга қисқартирилади.
Ходимларни шу кунлари иш берувчининг фармойиши бўйича ишга жалб этишга фақатгина жамоа шартномасида белгиланган асослар бўйича йўл қўйилади. Агар у тузилмаган бўлса, иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишилади.
Шунингдек, ишлаб чиқариш-техника шароитлари ва бошқа шароитларга кўра ишни тўхтатиб туриш мумкин бўлмаган жойларда байрам (ишланмайдиган) кунлари ишлашга йўл қўйилади. Бундай иш ва иш жойларига аҳолига хизмат кўрсатиш зарурати бўлган ишлар, кечиктириб бўлмайдиган таъмирлаш ва юк ортиш-тушириш ишлари киради.
Агар ходим дам олиш кунлари ва байрам кунларидаги ишларга жалб қилинса, унда унинг хизмати учун камида икки ҳисса миқдорида ҳақ тўланиши зарур.
Аввалроқ байрам кунлари Тошкент жамоат транспорти ҳаракати бир соатга узайтирилиши ҳамда Янги йил байрамида 5 кун дам олиниши ҳақида хабар берилганди.
Оламгир Абдиев
