Бир гуруҳ Сурия ҳарбийлари ИШИД билан тўқнашувда ҳалок бўлди
Шунингдек, 20 нафар аскар яраланган.
3 январь куни ИШИД Сурия армияси колоннасига ҳужум уюштирди. Бу ҳақда SANA агентлиги хабар берди.
Маълумотларга кўра, террорчилар Маҳат-ас-Салис нефть станциясидан 50 километр узоқликда ҳарбийлар автобусига ўт очган. Оқибатда беш нафар ҳарбий ҳалок бўлган ҳамда 20 нафари жароҳатланган.
ИШИД сўнгги ойларда Сурия шарқида анча фаоллашди. Хусусан, 2021 йил ноябрь ойида Дайр-аз-Зор вилоятида террорчилар пистирмаси оқибатида 13 ҳарбий ҳалок бўлган. Ҳукумат мамлакат шарқига қўшимча кучлар ташлаган.
Аввалроқ 10 йиллик уруш Сурия иқтисодиётига қанча зарар келтиргани маълум қилинганди.
Жаҳонгир Қўзиев
