0
Энди "загранпаспорт"ни ДХМда ҳам олиш мумкин
Йил якунига қадар ушбу имкониятни барча Давлат хизматлари марказларида босқичма-босқич яратиш режалаштирилган.
Жорий йил 1 январдан бир қатор хизматлар Давлат хизматлари марказлари орқали тақдим этилиши белгиланди.
Хорижга чиқиш биометрик паспортини расмийлаштириш ва бериш муқобил равишда (Ички ишлар бўлимлари билан бир вақтда) Давлат хизматлари марказлари орқали ҳам амалга оширилади.
Хорижга чиқиш учун биометрик паспорт бериш учун тўлов миқдори БҲМнинг 1 бараварини (270 минг сўм) ташкил этади. Бунинг нархи аввал БҲМнинг 1,2 баравари миқдорида эди.
Хорижга чиқиш биометрик паспортини бериш хизмати жорий этилган Давлат хизматлари марказлари рўйхати билан қуйидаги ҳавола орқали танишиш мумкин.
