Турдимов "тилга кирди"
Ижтимоий тармоқларда Самарқанд вилояти ҳокими Эркинжон Турдимовнинг бетоблиги ва Германияда даволанаётгани ҳақида хабарлар тарқалди.
Тармоқ кузатувчилари орасида вилоят ҳокими инсульт оқибатларини бартараф этиш учун хорижга кетган бўлиши ҳам мумкин, деган гаплар ҳам бўлган.
Аммо бу каби шов-шувли хабарларга Турдимов жим қараб турмади. Вилоят ҳокими ушбу хабарга жавобан facebook'даги расмий саҳифасида:
"Ҳозир расман меҳнат таътилидаман. Самарқанд вилояти ҳокими вазифасини вақтинча бажариш биринчи ўринбосарим Ўроқов Жамшид Ражабович зиммасига юклатилган. Назаримда, ҳар хил гап сўзларга ҳожат йўқ!, — дея изоҳ қолдирди.
Эслатиб ўтамиз, аввалроқ президент Шавкат Мирзиёев таътилга чиққани ҳамда қисқа муддатли таътилдан қайтгани ҳақида хабар берилганди.
