"Толибон" давлат хизматчиларига пул ўрнига ғалла бермоқчи
Бунинг учун махсус дастур ишлаб чиқилган.
"Толибон" давлат хизматчилари маошини ғалла билан тўламоқчи. Бу ҳақда "Sputnik Афганистан" хабар берди.
Афғонистон қишлоқ хўжалиги вазири ўринбосари Фазл Бари Фазлнинг маълум қилишича, ушбу тадбир "Ғалла учун иш" дастури асосида амалга оширилмоқда. Унга кўра, ҳар бир хизматчи бир кунлик иш ҳақи учун 10 кг ғалла олади.
Толиблар шу мақсадда Ашраф Ғани ҳукуматига Ҳиндистон томонидан берилган буғдой, шунингдек, турли давлатлар томонидан етказиб бериладиган гуманитар ёрдам пакетларини ишга солмоқчи. Хусусан, ҳозирда Покистон 37 тонна, Ҳиндистон эса 55 тонна ғалла етказиб бериши маълум қилинган.
Аввалроқ АҚШ фуқаролари Афғонистондан чиқа олмаётгани ҳақида хабар берилганди.
Жаҳонгир Қўзиев
