16 нафар судья “Ибратли судья” мукофоти билан тақдирланди
Совриндорлар қаторида Олий суддан то туман судининг судьяларигача бор.
Судьялар олий кенгаши қарорига кўра, тизим тарихида илк марта одил судловга эришишдаги кўрсаткичлари баробарида ўзининг чуқур билими ҳамда маънавий фазилатлари билан касбдошларига намуна бўлаётган 16 нафар судья “Ибратли судья” мукофоти билан тақдирлади.
Бу ҳақида Судьялар олий кенгаши ахборот хизмати хабар берди.
Давлат раҳбарининг 2020 йил 7 декабрдаги “Судьяларнинг чинакам мустақиллигини таъминлаш ҳамда суд тизимида коррупциянинг олдини олиш самарадорлигини ошириш чора-тадбирлари тўғрисида”ги Фармони билан соҳада очиқлик ва шаффофликни таъминлашга қаратилган қатор ўзгаришлар жорий этилиб, жумладан, одил судловни амалга оширишда юқори рейтинг кўрсаткичга эга бўлган судьяларни “Ибратли судья” мукофоти билан тақдирлаш белгиланганди.
Бу номзодларни саралашда холислик ва очиқлик устувор аҳамият касб этганини яққол кўрсатади.
Чўлпоной Аҳмедова тайёрлади.
