Покистон Афғонистон бўйича янги музокаралар ўтказмоқчи
Унга халқаро террорчи ҳам таклиф қилиниши мумкин.
Покистон Афғонистон бўйича янги форматдаги музокаралар ўтказмоқчи. Бу ҳақда “Sputnik Афганистан” хабар берди.
Покистон ТИВ раҳбари Шоҳ Маҳмуд Қурайшийнинг сўзларига кўра, ушбу формат Покистон, Хитой ва “Толибон” иштирокида бўлади. Шу билан бирга Пекинда Афғонистон қўшнилари иштирокида янги учрашув ташкил этилади.
Эътиборли томони, Пекиндаги саммитга Афғонистон ички ишлар вазири вазифасини бажарувчи Сирожиддин Ҳаққонийни ҳам таклиф қилиш режалаштирилмоқда.
Ўз навбатида у “Ҳаққоний тизими” халқаро террорчилик ташкилоти раҳбари бўлиб, АҚШ Ҳаққоний қўлга олинишига ёрдам берадиган маълумотлар учун 10 миллион доллар ваъда қилган.
Эслатиб ўтамиз, аввалроқ АҚШнинг Афғонистондан ўз фуқароларини эвакуация қилиш борасида аниқ режаси бўлмагани ҳақида хабар берилганди.
Жаҳонгир Қўзиев
