Наманганда ноқонуний товарлар: 995 миллион сўмлик дори воситалари, озиқ-овқат тўхтатиб қолинди
Ҳозирда юқоридаги ҳолат юзасидан суриштирув ҳаракатлари давом эттирилмоқда.
Божхона органлари томонидан товар-моддий бойликларни ноқонуний айланмасига чек қўйиш мақсадида
995 миллион сўмлик товарларни яширин айланмасига чек қўйилди.
Жумладан, Наманган вилояти божхона бошқармасининг Контрабандага қарши курашиш ва божхона аудити бўлими ходимлари Давлат хавфсизлик хизмати Чегара қўшинлари ҳарбий хизматчилари билан ҳамкорликда Янгиқўрғон туманида тезкор тадбир ўтказишди.
Тадбир давомида Янгиқўрғон туманининг чегара олди ҳудудида фуқаро С.А бошқарувидаги “ГАЗ-53” русумли юк автомашинаси белгиланган тартибда тўхтатилиб, кўздан кечирилди.
Ушбу автомашина юкхонасида хорижда ишлаб чиқарилган, тегишли ҳужжатлари бўлмаган, умумий қиймати 995 миллион сўмлик дори воситалари, озиқ-овқат маҳсулотлари ҳамда шу билан бирга маиший техника буюмлари борлиги аниқланди.
Эслатиб ўтамиз, аввалроқ Андижонда 250 миллион сўмлик ноқонуний телевизорлар фош этилгани ҳамда 9 миллиард сўмдан ортиқ ноқонуний товарлар айланмасининг олди олингани ҳақида хабар берилганди.
