Ҳар йили 80 минг нафар хотин-қиз касб-ҳунарга ўқитилади
Шунингдек, кейинги 5 йилда 1 миллион ишсиз фуқаронинг бандлиги таъминланади.
Бу ҳақда Бандлик ва меҳнат муносабатлари вазирлиги мутасаддилари иштирокида ўтказилган матбуот анжуманида маълум қилинди:
— Жорий йилда 185 минг ишсизни доимий иш ўринларига, 192 минг нафари ҳақ тўланадиган жамоат ишларига жалб этилади;
— миграция соҳасида 50 минг нафар хорижга кетмоқчи бўлган фуқаро касб-ҳунар ва хорижий тилларга ўқитилади;
— 21 минг нафар фуқарога хорижий давлатларда тан олинадиган малака сертификатларини олиш, йўл чиптасини харид қилиш, ривожланган давлатларги ишчи визасини олиш учун субсидия ажратилади;
— 12 минг ногиронлиги бор шахснинг бандлигига кўмаклашилади. Ногиронлиги бор шасхларни ишга олган корхоналар учун 25 миллиард сўм субсидия ажратилади.
