Польшага иккинчи эвакуация самолёти парвоз қилди
Ўзбек фуқароларни Польша чегарасига келтириш учун 7 та автобус ҳам ижарага олинган.
Ўзбекистондан Польшага 28 феврал кун иккинчи эвакуация самолёти учиб кетди.
Хабарга кўра, Польшанинг Катовице шаҳридаги аеропортда Тошкентга учиш учун 241 нафар Ўзбекистон фуқароси рўйхатдан ўтмоқда.
Тошкентдан учган иккинчи самолёт маҳаллий вақт билан соат 17:00 (Тошкент вақтида билан соат 21:00) атрофида Польшага етиб келиши кутилмоқда.
Ўзбекистоннинг Киевдаги элчихонаси маълумотларига кўра, фуқароларни Львов шаҳридан "Краковец" назорат-ўтказиш пунктигача етказишни тезлаштириш мақсадида 7 та автобус ижарага олинган.
Шу билан бирга, Ўзбекистон фуқаролари ўз ватанларига жўнаб кетиши учун Украинанинг Львов шаҳрида қолишда давом этмоқда.
