0
"Аёл қалби" фильмининг премьераси бўлиб ўтди
Тақдимотда спортчи ҳақидаги қисқа метражли фильм ҳам намойиш қилинди.
8 март — Халқаро хотин-қизлар куни муносабати билан Кинематография агентлиги буюртмасига биноан суратга олинган режиссёр Жамила Пўлатованинг “Аёл қалби” бадиий фильмининг катта премьераси ўтказилди.
Премьера аввалида Кинематография агентлиги ва Миллий кинематографияни ривожлантириш Маркази томонидан барча аёл киноижодкорлар байрам билан табрикланиб, уларга совғалар улашилди. Сўнгра, саҳнага фильм ижодкорлари таклиф қилиниб, жамоага келгусидаги ишларида муваффақият тилашди.
Томошабинлар учун Токио-2020 ёзги Паралимпия ўйинлари чемпиони Сафия Бурханова ҳақидаги "Матонат мактаби" қисқа метражли ҳамда “Аёл қалби” бадиий фильмлари намойиш этилди.
