Шу вақтгача пахтамизнинг ранги оқ эди, лекин “қора” бўлиб юрди – Президент
Шавкат Мирзиёев видеоселектор йиғилишида ўзбек пахтасидан бойкот олингани ҳақида гапирди.
Шавкат Мирзиёев саноат кооперациясини ривожлантириш ва ишлаб чиқаришни маҳаллийлаштириш чора-тадбирлари юзасидан ўтказган видеоселектор йиғилишида ўзбек пахтасидан бойкот олингани ҳақида гапириб ўтди.
“Неча йиллардан бери манфаат қилмадик. Пахтамизнинг ранги оқ эди, лекин “қора” бўлиб юрди. Биз бунинг учун қанча қийналдик. Агар сиёсий ирода бўлмаганида шу нарсалар бўлармиди? Лекин бу — кураш. Кеча телевизорда кўрсатди, қадрига етган хурсанд бўлиб одам йиғлади. Миллатимизнинг қиймати бу. Яна бир бор айтаман, шу вақтгача пахтамизнинг ранги оқ эди, лекин “қора” бўлиб юрди. Шунга қарамасдан қанча ишлар қилдик?”, — деди давлат раҳбари.
Аввалроқ, 2022 йил 10 март куни Cotton Campaign халқаро коалицияси Ўзбекистон пахтасига эълон қилинган глобал бойкотни бекор қилгани хабар қилинганди.
