Баҳодир Жалолов “face to face” маросимида қатнашди
Олимпиада ва жаҳон чемпиони Баҳодир Жалолов 18 март куни Дубай шаҳрида рингга кўтарилади.
Мусобақада ҳамюртимизга полшалик Камил Соколовски рақиблик қилади. Бугун эса ўзбекистонлик боксчи “face to face” маросимида иштирок этди.
Маълумот учун, полшалик жангчи фаолияти давомида 38 та жанг ўтказиб, уларнинг 11 тасида ғалаба қозонган. Қолган 25 та жангида эса мағлубият аламини тортиб кўрган.
Баҳодир Жалолов эса профессионал боксда 9 та жанг ўтказиб, уларнинг барчасида рақибларини нокаут эвазига мағлуб этган.
Аввалроқ, Баҳодир Жалолов янги промоутерлик компанияси билан шартнома имзолагани ҳақида хабар берилганди.
Жамшидбек Амиров
