Ироқ Сурия билан чегарани кучайтирмоқчи
Бу ИШИД террорчиларининг мамлакатга кириб келишининг олдини олишга қаратилган.
Ироқ Сурия билан чегарада бетон девор қурмоқда. Бу ҳақда France-Presse агентлиги хабар берди.
Ундан кўзланган мақсад Суриядан ИШИД террорчиларининг кириб келишини олдини олиш эканлиги айтилмоқда. Агентлик суҳбатдошларидан бири деворнинг узунлиги 10 километр эканини маълум қилган. У Ироқнинг Найнава вилоятида барпо этилмоқда. Бу тўсиқ келажакда давом эттирилиши айтилган.
Шу билан бирга Буюк Британияда жойлашган "Инсон хуқуқлари бўйича Сурия мониторинг маркази" маълумотларига кўра, бетон девор мамлакат жанубидаги Хасеки вилоятининг Эш-Шаддади шаҳри яқинида қурилмоқда.
Аввалроқ Ироқ бош вазири унинг давлати бошқа мамлакатлар учун ўзаро ҳисоб-китоб майдони эмаслигини маълум қилганди.
