Абдулазиз Комиловнинг хорижда даволанаётгани айтилди
Бу ҳақда Ташқи ишлар вазирлиги маълум қилди.
Ўзбекистон Республикаси Ташқи ишлар вазири Абдулазиз Комиловнинг соғлигида муаммолар юзага келган. Унинг ҳозирги ҳолати чуқур текширувлардан ўтишни тақозо қилиши айтилмоқда.
Бу ҳақда Ташқи ишлар вазирлиги қуйидагича ахборот берди:
"Ўзбекистон Республикаси Ташқи ишлар вазири Абдулазиз Камилов сўнгги ўн кун давомида сурункали касалликлари туфайли Тиббиёт бош бошқармасининг 1-сон Марказий клиник шифохонасида тиббий муолажалар олди.
Шифокорларнинг консилиум хулосасига кўра, А.Комиловнинг саломатлигини янада чуқуррок текширувдан ўтказиш зарурати юзага келгани сабабли, айни кунларда Вазир ихтисослашган тиббий кўрикдан ўтиш ва тегишли муолажаларни олиш мақсадида хорижда даволанишни давом эттирмоқда!", — дейилади вазирлик ахборотида.
