“Толибон” Москвага ўз элчисини тайинлади
У яқин кунларда иш бошлаши кутилмоқда.
“Толибон” томонидан тайинланган дипломат Жамол Гарвал тез орада афғонистоннинг Москвадаги элчихонасини бошқариши мумкин. Бу ҳақда “ТАСС” хабар берди.
“Тез орада Гарвал Афғонистоннинг Москвадаги вақтинчалик ишончли вакилга айланади”, – деган нашрнинг суҳбатдошларидан бири.
Унинг қўшимча қилишича, толиблар ҳозирда Кобулнинг Россиядаги элчиси Саид Тайиб Жаводни лавозимидан озод қилган. У собиқ администрация томонидан элчи этиб тайинланганди.
31 март куни РФ ташқи ишлар вазири Сергей Лавров толиблар томонидан Москвага юборилган биринчи дипломат аккредитация олганини айтганди.
Аввалроқ Туркия Афғонистондаги нефть конларини ўзлаштиришда иштирок этмоқчилиги тўғрисида хабар берилганди.
